Nakapgtala ang Department of Health (DOH) ng karagdagang 28,008 na bagong kaso ng COVID-19 sa bansa.
Sa lingguhang case bulletin ang naturang bilang ay naitala mula Agosto a-otso hanggang Agosto a-katorse na tatlong porsyentong mataas kumpara sa 27,331 kaso na naitala naman mula noong Agosto a-uno hanggang Agosto a-siete.
Nabatid na ang Average Daily Attack Rate (ADAR) ay sumampa rin sa 4,001 mula sa nakaraang 3,904.
Samantala, may kabuuang 72,107,090 indibidwal o 92.33% na ng target na populasyon ng gobyerno ang ganap nang nabakunahan laban sa COVID-19.
