Nakauwi na sa bansa ang 31 Pinoy matapos lumikas sa bansang Afghanistan nitong Martes.
Ayon sa Department of Foreign Affairs (DFA), mula sa repatriation flight sa Doha, Qatar ang mga lumikas ng Pinoy.
Ayon pa sa ahensya, may natitira pang 23 Pinoy sa Afghanistan at halos isandaan pa ang naiwan sa Middle Eastern State.
Matatandaan na itinaas ng DFA sa alert level 4 ang nasabing bansa kaya’t nagsagawa ng mandatory evacuation sa mga Pinoy doon dahil sa pagkubkob ng grupong taliban sa kapitolyo ng bansa.—sa panulat ni Rex Espiritu
