Magbubukas ng karagdagang bakuna center sa EDSA ang Philippine Red Cross (PRC).
Ayon kay PRC chairperson at CEO Senator Richard Gordon, tugon ito sa panawagan ng publiko na mapalawak ang access sa pagbabakuna.
Sinabi pa ni Gordon na planong itayo ang bakuna center sa Boni Avenue, na dagdag sa 13 vaccination centers sa buong bansa.
Target ng PRC na makapagpatayo pa ng 17 bakuna centers sa iba pang mga lugar sa bansa sa darating na mga linggo.
Hanggang nitong Hulyo 26 ay nakapagbakuna na ng halos 50,000 indibidwal ang PRC. —sa panulat ni Hya Ludivico
