Muling sumampa sa mahigit 8,000 ang karagdagang kaso ng Coronavirus disease sa bansa.
Nakapagtala ang DOH ng 8,147 na panibagong kaso COVID-19 habang mayroong 9,117 ang gumaling at 167 ang namatay.
Dahil dito, umabot na sa 1,588,965 na ang kabuuang bilang ng tinamaan ng COVID-19 sa bansa.
Kabilang sa nabanggit na bilang ang 60,887 active cases at 1,500,189 recoveries at 27,889 fatalities.
Dalawang laboratoryo ang hindi operational noong Hulyo 29 habang mayroong isa pang hindi nakapagsumite ng datos sa COVID-19 document repository system. — sa panulat ni Drew Nacino.
