Lima (5) ang kumpirmadong sugatan sa nangyaring karambola ng may 14 na sasakyan sa panulukan ng C-5 at Ortigas Avenue sa Pasig City.
Ayon sa report, nawalan umano ng kontrol sa manibela ang tsuper ng isang 14 wheeler truck patungong Makati kung saan, sinalubong nito ang isa pang sasakayan habang binabagtas ang northbound lane ng C-5.
Dahilan upang bumigat ang daloy ng mga sasakyan sa nasabing lugar sa kasagsagan ng rush hour kahapon bunsod ng pagbabara ng mga sangkot na sasakyan.
Tumagal ng hanggang hatinggabi ang mabigat na trapik sa nasabing lugar dahilan para maapektuhan ang iba pang kalsadang nag-uugnay dito.
By Jaymark Dagala
