Inihihirit ngayon sa Senado ang pagbibigay parangal kay Senador Manny Pacquiao dahil sa pagkapanalo nito sa mehikanong si Jessie Vargas.
Sa Senate Resolution 217 na inihain ni Majority Leader Tito Sotto, hinihiling nito na bigyang pagkilala ang karangalang iniuwi sa bansa ng kasamahang senador.
Ani Sotto, nagsisilbi kasi aniyang malaking inspirasyon sa lahing Pilipino ang pagbabalik sa boksing ni Pacquiao.
Una rito, hindi napigilan ni Pacquiao ang kanyang sarili na bumalik sa parisukat na lona makaraang ianunsyo na nito ang kanyang pagreretiro noong Abril.
By Jaymark Dagala
