Pormal nang itinalaga si Karl Kendrick Chua bilang bagong kalihim ng National Economic and Development Authority (NEDA).
Ito ang kinumpirma ni Presidential Spokesperson, Secretary Harry Roque, aniya nagsilbi si chua sa administrasyon ni Pangulong Rodrigo Duterte ng may ‘professionalism, competence, at integrity’ bilang Undersecretary ng finance department at acting secretary ng NEDA.
Dahil dito, kumpyansa ang palasyo na patuloy ang maayos na pamamalakad ni Chua kahit pa sa gitna ng mapanghamong panahon dahil sa COVID-19 pandemic maging ang muling pagpapabangon sa ekonomiya ng bansa.
Mababatid na bago nito, nagsilbing humalili muna si Chua bilang Acting Secretary matapos na mag-resigned si dating NEDA Secretary Ernesto Pernia.
