Ikinokonsidera na ng Angeles City Police na suspek sa pagdukot ang kasambahay ng Korean businessman na si Jee Ick Joo.
Ayun sa inisyal na imbestigasyon, posibleng sangkot ang hindi pinangalanang kasambahay sa pagdukot at pagpatay kay Jee noong Oktubre ng nakaraang taon.
Napag-alaman rin na ang hindi pinangalanang kasambahay ay dalawang araw pa lamang na nagta-trabaho nang nangyari ang pagdukot.
Kasamang na-kidnap noong ika-18 ng Oktubre 2016 sa bahay mismo ni Jee ang naturang kasambahay pero pinakawalan din kinalaunan.
Sinasabi sa imbestigasyon na hindi ginamit ng kasambahay ang kanyang tunay na pangalan habang nagtatrabaho ito sa pamilya ni Jee.
Ang naturang kaso ay na-turn over na ng Angeles City Police sa Philippine National Police Anti-Kidnapping Group para sa mas malawak na imbestigasyon.
By: Race Perez
