Itinuturing pa ring person of interest si Marilou Danley, ang Pinay na kasintahan ng suspek sa madugong pamamaril sa Las Vegas.
Ayon kay Sheriff Joseph Lombardo ng Las Vegas Police Department, nais ng FBI o Federal Bureau of Investigation na maibalik si Danley sa Estados Unidos para isailalim sa pagtatanong.
Tiwala rin si Lombardo na malaki ang maitutulong ni Danley para matukoy ang motibo ng suspek na si Stephen Paddock sa wala habas na pamamaril nito sa isang konsyerto sa Las Vegas.
Dagdag pa ni Lombardo, nakikipag-ugnayan na aniya sila kay Danley at inaasahang makakakuha ng mga impormasyon.
Samantala nakaalis na ng Pilipinas si Danley kagabi ayon sa Bureau of Immigration at napa-ulat na dumating na rin ito sa Las Vegas ngayong araw.
(Photo from Raoul Esperas)
—-
