Nakapagtala ng 350 bagong kaso ng coronavirus disease 2019 (COVID-19) sa bansa ngayong Martes, Mayo 26.
Ayon sa Department of Health (DOH), ito na ang pinakamataas na bilang ng naitalang bagong kaso sa isang araw matapos ang mahigit isang buwan o simula noong Abril 6.
Dahil dito, umakyat pa sa 14,669 ang kabuuang bilang ng kumpirmadong kaso ng COVID-19 sa bansa.
Samantala nadagdagan din ng 89 ang mga pasyenteng gumaling sa naturang sakit na may kauuang bilang ng 3,412.
Umakyat naman sa 886 ang bilang ng namatay matapos makapagtala karagdagang 13 bagong kaso ng pagkasawi dahil sa COVID-19.
