Pumalo na sa 1,765,675 ang kabuuang kaso ng COVID-19.
Ito’y matapos na maitala ng Department of Health (DOH) ang 10,035 na mga bagong kaso ng virus.
105,787 naman ang bilang ng mga nananatiling aktibo sa COVID-19 o 6%.
10,858 ang naitalang bagong nakarekober sa COVID-19 dahilan para sumirit sa 1,629,426 ang kabuuang bilang nito.
Sa kaparehong case bulletin, nasa 30,462 na ang bilang ng mga nasawi sa virus matapos na madagdagan ng 96 na mga bagong nasawi sa virus.
