Nadagdagan pa ang bilang ng mga kaso ng COVID-19 sa hanay ng Philippine National Police (PNP).
Batay sa huling datos na inilabas ng PNP, sumirit na sa 42,274 ang kabuuang bilang ng kanilang mga miyembro na nagpositibo sa COVID matapos maitala ang 12 bagong kaso.
Ang COVID-19 active case naman ay nasa 39.
Nananatili sa 125 ang death toll rate sa hanay ng pambansang pulisya habang nasa 42,110 naman ang nakarekober sa nasabing sakit.
Ayon pa sa PNP, nasa 95.31% na ng mga pulis ang nakumpleto na ng bakuna laban sa COVID-19, habang 1,616 na iba pa ang hindi pa natuturukan.
