Pinawi ng Malakanyang ang pangamba ng mga pasahero sa Ninoy Aquino International Airport na posibleng mabiktima ng modus operandi na “laglag bala o tanim bala”.
Sinabi ni Presidential Communications Secretary Sonny Coloma na iniimbestigahan na ng Office of Transport Security ng Deapartment of Transporatation and Communication (DOTC) at pamunuan ng NAIA ang nabanggit na report.
Sinabi ni Coloma na isolated case lamang ito at hindi mag-aatubili ang pamahalaan na panagutin at parusahan ang mapapatunayang sangkot sa modus operandi.
Isinaalang-alang aniya ng gobyerno ang kaligtasan at katiwasayan ng mga pasahero sa lahat ng paliparan at hindi para perwisyuhin ang mga ito.
By: Aileen Taliping (Patrol 23)
