Hindi pa uubrang maisampa ang kaso laban sa 3rd batch ng mga sangkot umano sa PDAF scam.
Ayon kay Justice Secretary Leila de Lima, hinihintay pa niya ang dagdag na sworn statements mula sa mga whistleblower sa PDAF scam bago ipasampa ang kaso laban sa sinasabing 3rd batch.
Idinepensa ni de Lima na nais niyang maging matibay ang kaso kaya’t naghihintay siya ng dalawa ng sinumpaang salaysay mula sa dalawa hanggang tatlong whistleblowers.
Magugunitang nakumpleto na ng mga imbestigador ang pagbusisi sa usapin at inirekomenda na ang pagsasampa ng kaso laban kay Senador Gregorio Honasan at 8 iba pang dati at kasalukuyang kongresista.
By Judith Larino | Bert Mozo (Patrol 3)
