Nagbanta ang blogger na nagpapakilalang Antonio Ramirez Ebangelista sa mga ministro sa Iglesia ni Cristo
Sa kaniyang open letter na ipinaabot sa pahayagang inquirer, sinabi ni Ebangelista na kaniyang isisiwalat sa publiko ang mga katiwalian sa nasabing sekta.
Saad pa ni Ebangelista sa kaniyang liham, matapang niyang papangalanan ang mga tiwaling ministro ng INC na walang habas umanong nang-aabuso sa kapangyarihan at pananalapi ng iglesia.
Pagbubunyag pa ni Ebangelista, ilang ministro na miyembro aniya ng sanggunian ang naniniwalang sila’y mas makapangyarihan kaysa sa umiiral na batas at kayang suhulan ang sinumang opisyal ng gubyerno malusotan lamang ang mga aligasyong ibinabato sa kanila.
May ilan din aniyang blogger tulad niya na handang patotohanan ang kurapsyon sa loob ng INC.
Ilan aniya sa mga ito ay nagtatago sa pangalang Sher lock, nina Agiluz, Katnize Everdene, Benito Afleck, Danica Rosales, Alexander Tobias at Kelly Ong.
By: Jaymark Dagala
