Nasawi ang isang kawani ng Philippine Overseas Labor Office (POLO) sa Jeddah, Saudi Arabia dahil sa kumplikasyon sa coronavirus disease 2019 (COVID-19).
Ito ang kinumpirma ni Labor Attaché Nasser Munder kung saan sinabi nito na nagnegatibo pa sa unang swab test ang kawani ngunit kalaunan ay nakaramdam na rin ito ng mga sintomas ng pagkakaroon ng COVID-19.
Ayon kay Munder, may dalawa pang kawani ng POLO ang dinapuan din ng sakit at kasalukuyang nagpapagaling.
Dahil dito, pansamantalang ipinasara ang tanggapan ng POLO sa Jeddah hanggang unang linggo ng Agosto para isagawa ang disinfection.
Gayuman, tiniyak ni Munder na patuloy na ipagkakaloob ang tulong pinansya sa mga Overseas Filipino Workers (OFWs) doon.
