Umaasa si Pangulong Rodrigo Duterte na mai-uuwing buhay ang anak ng napaslang na Albuera Mayor Rolando Espinosa na si Kerwin mula sa Abu Dhabi, United Arab Emirates.
Kasunod ito ng nakatakdang pag-uwi ng tinaguriang bigtime drug lord ng Western Visayas matapos siyang sunduin ng mga tauhan ng anti – illegal drugs group ng Philippine National Police o PNP.
Una nang tiniyak ni PNP Chief Dir/Gen. Ronald Bato Dela Rosa ang seguridad ni Kerwin sa sandaling makarating na ito sa bansa.
Ani Dela Rosa, agad idederetso sa PNP Custodial Center sa Kampo Crame ang nakababatang Espinosa na una nang humiling na isailalim siya sa Witness Protection Program ng Department of Justice.
By: Jaymark Dagala
