Muling humingi ng paumanhin ang kapamilya actress na si Kim Chiu sa mga binitiwan nitong salita tungkol sa mga pusa.
Marami kasi ang hindi natuwa sa pahayag ng ”Chinita Princess” nang sabihin nito na nakakainis ang maiingay na pusa sa gabi at parang gusto niyang sabuyan ng mainit na tubig ang mga ito upang tumahimik.
Ang nasabing pahayag ng aktres ay mula sa segment ng noontime variety show na “It’s Showtime,” na inere noong Disyembre kung saan agad din naman nitong binawi ang kanyang statement.
Umaasa naman si Kim na magiging malinaw na ang kanyang paghingi ng tawad at sinabing hindi niya magagawang saktan ang mga pusa.
