Masaya ang maraming fans sa pagkumpirma nina Kim Chiu at Maja Salvador na naayos na ang gusot sa pagitan nilang dalawa.
Matatandaang nagkalamat ang friendship ng dalawa nuong 2013 nang aminin ni Maja na nag di date sila ni Gerald Anderson na ex – boyfriend naman ni Kim.
Ayon kay Maja, wala silang pakialam sa mga taong kumukuwestiyon sa kanilang pagbabati.
Aniya ang mahalaga ay nagkaintindihan sila ni Kim na dapat nang kalimutan ang nakaraan.
Patunay na nagkaayos na ang dalawa nang mag post sila ng picture na magkasama sila sa Times Square, New York sa Amerika.
