Dadalo ang kinatawan ni Pope Francis sa nakatakdang paghahatid sa huling hantungan kay Cebu Archbishop Emeritus Ricardo Cardinal Vidal.
Sa funeral mass ay nakatakdang basahin ng ipinadalang papel legate ang mensahe ng Santo Papa.
Inaasahang dadalo rin sa naturang funeral mass sina Manila Archbishop Luis Antonio Cardinal Tagle, Archbishop Emeritus Gaudencio Cardinal Rosales at Cotabato Archbishop Orlando Cardinal Quevedo na gaganapin sa Cebu Metropolitan Cathedral.
Ngunit bago ang paglilibing sa yumaong arsobispo, dadalhin muna ang labi ng Cardinal sa Shrine of San Pedro Calungsod sa loob ng Archbishop Residences bilang paggunita naman sa ika-limang anibersaryo ng kanonisasyon ni San Pedro Calungsod.
Ihihimlay ang labi ni Vidal sa isang musoleyo sa likod ng sacristy ng cathedral sa Oktubre 26 ganap na alas-9:00 ng umaga.
—-
