Nagbabalik ang Bigbang leader na si G-Dragon matapos ang kanyang mandatory military service sa South Korea.
Umaga ngayong Sabado, Oktubre 26, matagumpay na na-discharge si G-Dragon at sinalubong ng halos 3,000 na mga taga-hanga na naghihintay sa paglabas nito.
Tinagurian isa sa mga pinakahihintay na military discharges ang pagtatapos ng mandatory military service ni Kwon Jiyong o mas kilala bilang GDragon.
Nandoon din naghihintay sa kanyang paglabas ang mga miyembro ng kanyang pamilya.
Samantala, nagdiwang naman ang mga taga-hanga ni Jiyong sa China sa pamamagitan ng pagpapakita ng mga larawan niya sa sikat na Shanghai Twin Towers.
Nag-trending naman sa #1 sa buong mundo ang pagbabalik nito.
Magugunitang pumasok sa mandatory military service si Kwon noong February 27, 2018.
