Kabilang sa tutukan sa pagdinig ng Senate Blue Ribbon Committee bukas ang kinita ng RCBC sa pagko – convert nito sa piso ng pumasok na pera na bahagi ng 81 million dollars.
Ayon kay Senate Committee Chairman TG Guingona, mula sa kinonvert nito na 51 million dollars ay kumita ang bangko ng dalawang milyong piso.
Wala pa aniyang pahayag ang RCBC kung kanilang isasauli ang kinitang halaga.
Samantala, sinabi din ni Guingona na wala pang balak ang Senado na isalang sa lie detector test ang mga sangkot sa iskandalo, dahil kailangang mag boluntaryo ang mga ito.
By Katrina Valle | Cely Bueno (Patrol 19)
