Suspendido na ang klase sa lahat ng antas (public and private) sa Cotabato City ngayong araw ng Martes, Nobyembre 19, dahil sa naranasang magnitude 5.9 na lindol kagabi sa Bukidnon.
Ito ang inanunsyo ni Cotabato City Mayor Cynthia Sayadi sa isang Facebook video post.
Aniya, ito ay para sa paglalaan ng oras upang magsagawa ng inspeksyon sa mga gusali ng paaralan na maaaring naapektuhan ng malakas na pagyanig.
Kasabay nito, wala na ring pasok sa lahat ng antas (public at private) ngayong araw sa Quezon, Bukidnon para rin matignan ang mga gusali sa lugar.
