Namayapa na ang komedyanteng si Bentong o si Domingo Vusotros Brotamante, Jr. sa edad na 55 taong gulang.
Kinumpirma ito ng kanyang manugang na si Arvin Vincent Anierdes sa kanyang Facebook post.
Nakilala si Bentong sa kanyang pagpapatawa bilang sidekick ng host at aktor na si Willie Revillame sa kanyang naging TV shows sa iba’t-ibang network.
Binawian ng buhay ang komedyante sa Fairview General Hospital kung saan diabetes at iba pang komplikasyon sa kalusugan ang umano’y ikinamatay nito.
Sa ngayon ay wala pang opisyal na pahayag ang kanyang pamilya kaugnay sa iba pang detalye ng kanyang lamay at libing.
