Pinabubuo ng Department of Education National Capital Region o DepEd – NCR ang school divisions ng committee on field trip evaluations.
Ayon kay Education Undersecretary Jesus Mateo magiging tungkulin ng komite na busisiin ang field trip proposals na isusumite ng public elementary at secondary schools bago mabigyan ng go signal sa educational trip.
Bukod dito, ang committee on field trip evaluation din ang siyang mag e-evaluate ng kahalagahan ng aktibidad sa pinag aaralan ng mga estudyante.
Hinimok din ni Mateo ang mga magulang ng mga estudyante na makibahagi at dumalo sa parent teacher conferences.
Ang hakbang ay para maiwasan ang malagim na aksidente sa Tanay, Rizal na ikinasawi ng maraming mag aaral.
By Judith Larino
Photo Credit: DepEd Facebook Account
