Bumubuti na ang kondisyon ni dating Pangulong Erap Estrada.
Ito’y ayon sa kanyang anak na si dating senador Jinggoy Estrada matapos na dalhin sa intensive care unit (ICU) ang dating Pangulo dahil sa impeksyon sa baga.
Dagdag pa ng nakababatang Estrada, unti-unti nang binabawasan ang kanyang gamot para sa blood pressure support, habang bumubuti rin ang kanyang kidney functions.
Mababatid na bago nito ay inanunsyo ng dating senador na dinapuan ng COVID-19 ang dating Pangulo noong March 29.
At kalauna’y, nitong April 13 ay nagnegatibo na sa COVID-19 ang dating Pangulong Erap Estrada.
