Isang konsehal sa bayan ng Kapatagan, Lanao del Sur ang patay habang tatlong iba pa ang sugatan sa pamamaril sa bayan ng Balabagan.
Kinilala ang nasawing biktimang si Nassif Palawan Bansil, trenta’y uno anyos at isa sa mga nasugatang si Alvin Abdullah Sampiano, trenta’y singko anyos, dating barangay chairman ng Poblacion, Balabagan.
Pawang nasa compound ni dating Balabagan mayor Hadji Amer Sampiano ang mga biktima nang pagbabarilin ng limang hindi nakilalang salarin lulan ng asul na Toyota Tamaraw FX.
Away pamilya ang nakikitang motibo sa krimen ng Balabagan Municipal Police na nagsasagawa na ng pursuit operation sa mga nasa likod ng pamamaril.
