Kinumpirma ng Metropolitan Waterworks and Sewerage System (MWSS) na matutuloy ang konstruksyon sa Kaliwa Dam matapos sumang-ayon ang mga Indigenous People (IP) sa General Nakar, Quezon at Tanay, Rizal.
Ayon kay MWSS Administrator Leonor Cleofas, pumirma na sila sa Memorandum of Agreement (MOA) at nakakuha na rin ng permit para sa konstruksyon.
Tiniyak naman ng ahensya na sumusunod ito sa proseso ng Free, Prior and Informed Consent (FPIC).
Bukod pa sa MOA, nagsagawa rin ang MWSS ng mga karagdagang konsultasyon para mabigyan ng hanapbuhay, relokasyon at iba pang benepisyo ang mga maaapektuhang katutubo. – Jenn Patrolla
