Maghihigpit pa ng COVID-19 protocols ang Philippine Consulate sa Macau.
Ito’y dahil pa rin sa pagsirit ng kaso ng impeksyon doon.
Batay sa abiso ng Konsulada ng Pilipinas, ipagbabawal na ang matagal na pananatili sa loob ng mga may transaksyon.
Kailangan nang umalis agad pagkatapos ng transaksyon.
Maliban dito, kailangan ding mag-scan ng venue code gamit ang Macau Health Code App.
Bukod pa ito sa pagdaan sa thermal scanner, paglalagay ng hand sanitizer at ang pananatili ng social distancing.
