Kinansela ng singer-composer at Grammy award winner na si James Taylor ang kanyang konsyerto rito sa Pilipinas sa susunod na taon.
Ito’y ayon kay Taylor ay kasunod na rin ng kanyang pagkabahala dahil sa mga nangyayaring patayan sa bansa na may kinalaman sa kampaniya kontra iligal na droga.
Paliwanag pa ni Taylor sa kanyang tweet, batid niya kung gaano kalawak ang problema ng droga sa buong mundo ngunit hindi niya kayang tanggapin na kamatayan ang siyang kahahantungan ng mga nasasangkot dito.
Kasunod nito, humingi ng dispensa si Taylor sa kanyang mga tagahanga sa kanselasyon ng kanyang konsyerto at handa niyang ibalik ang pera ng mga nakakuha na ng ticket.
By Jaymark Dagala
Photo Credit: Reuters
