Patay sa isinagawang operasyon ng pinagsanib na puwersa ng National Bureau of Investigation o NBI at PNP Regional intelligence Division sa Bohol si SPO1 Adonis Dumpit.
Bagama’t tumanggap ng maraming parangal si Dumpit, naging kontrobersyal naman ito nang magsilbing aide ni Cebu City Mayor Tomas Osmeña nang pamunuan nito ang Cebu Hunter’s Team na inihahalintulad sa di umano’y DDS o Davao Death Squad ni Pangulong Rodrigo Duterte nuong siya’y alkalde pa ng Davao City.
Ayon sa NBI, napatay si Dumpit na maghahatid lang sana ng ilang stocks o iligal na droga sa barangay San Isidro, bayan ng Ubay mula sa Tagbilaran City nang maka-engkuwentro ng mga awtoridad.
Batay sa impormasyon hawak ng mga awtoridad, isa si Dumpit sa mga protektor umano ng iligal na droga sa Central Visayas at patunay na rito ang 15 sachet ng shabu na nakuha mula sa pag-iingat nito.
—-
