Sugatan ang babaeng driver makaraang tumagilid at magliyab ang minamanehong sasakyan, malapit sa US Embassy sa Maynila kaninang madaling-araw.
Kinailangang basagin ang bintana ng kanang pintuan sa front seat ng SUV para mailabas ang biktimang si Sarah Grace Ranay, 28-anyos at residente ng Quezon City.
Bumangga umano sa pader ang sasakyan na may plate number LRR 111 bago bumaligtad at nasunog.
Kasalukuyang naka-confine ang biktima sa Manila Doctors Hospital para magamot sa tinamong pinsala sa kanyang katawan.
By Meann Tanbio | Aya Yupangco (Patrol 5)
