Balik-trabaho si Queen of All Media Kris Aquino matapos ang pahinga ng halos 1 buwan.
Nagbalik bansa ang TV host noong Linggo mula sa 3 linggong bakasyon sa Hawaii kasama ang mga anak na sina Joshua at Bimby.
Sa kanyang Instagram post, ibinahagi ni Kris ang ilang pictures sa ginawa niyang bagong endorsement shoot.
Aniya, masaya siya na magbalik at muling magtrabaho sa harap ng camera.
Gayunman, sinabi ni Kris na gagawin pa rin niya ang lahat para magkaroon ng oras para sa pamilya at ma-balanse niya ang oras sa trabaho at pagpapanatili ng kanyang kalusugan.
Sa ngayon ay tumigil muna si Kris sa paggawa ng TV shows dahil sa stress at health issues ngunit nagpahiwatig naman ito na magbabalik-showbiz pa rin sa hinaharap.
Inere ang last episode ng ‘Kris TV’ noong March 23 at nakatakdang palitan ng isang bagong morning show na ‘Magandang Buhay’ na hosts sina Karla Estrada, Melai Cantiveros at Jolina Magdangal.
Nakatakdang ipalabas ang pilot episode nito sa Lunes, April 18, ganap na 7:30 ng umaga.
By Aiza Rendon
