Kumpirmado na nga ang pagbabalik sa telebisyon ng Queen of all Media na si Kris Aquino sa Kapamilya Network.
Ngayong araw ay nakipagpulong si Kris sa management ng ABS-CBN hinggil sa mga proyektong kanyang gagawin sa pagbabalik nito.
Sa kanyang Instagram account humingi ng dasal si kRis sa kanyang mga tagasuporta na sana’y anuman ang kahinatnan ng pag-uusap ay tungo aniya sa daang nais para sa kanya ng Panginoon.
Matatandaang inanunsyo na dati ni Kris na magreretiro na ito sa showbiz dahil sa mas nais nitong tutukan ang kanyang mga anak na sina Josh at Bimby ngunit matapos nga ang dalawang buwang bakasyon ay muli itong nagbabalik.
By Ralph Obina
Photo: Screengrab from kris aquino/ Instagram
