Pinabulaanan ni dating Senador Jinggoy Estrada ang kumakalat na balita online na umano’y sumakabilang buhay na ang kanyang ama na si dating Pangulong Erap Estrada.
Sa isang post, sinabi ng nakababatang Estrada na ‘wag basta-basta magtiwala sa maling balita na ngayo’y kalat na online.
Dagdag pa ni Estrada, sa ngayon, nananatiling nasa ospital ang kanyang ama pero sinabi naman nito na nasa stable condition ang dating Pangulo.
Nauna rito, itinakbo sa ospital ang dating Pangulo matapos na makitaan ng ilang sitomas sa virus gaya ng hirap sa paghinga at kalauna’y lumabas na positibo nga sa COVID-19.
Sa ngayon, nanawagan si Estrada ng dasal sa publiko para sa agarang paggaling ng kanyang ama.
