Umapela ang pamahalaang panglungsod ng Maynila sa publiko na iwasan ang pagpapakalat o pagbabahagi ng mga pekeng impormasyon.
Kasunod ito ng pagkalat ng larawan ng Divisoria night market kung saan makikita ang nagsisiksikang mga mamimili na hindi na nasusunod ang social distancing.
Ayon sa Manila City Government, luma ang nabanggit na kumakalat na larawan at hindi sumasalamin sa kasalukuyang sitwasyon sa divisoria.
Iginiit din ng Manila City Government na mahigpit nilang sinusunod ang mga protocols sa ilalim ng enhanced community quarantine gayundin ang mahigpit na pagpapatupad sa physical distancing measure sa Divisoria.
