Naibalik na ang kuryente sa ilang lugar sa bayan ng Catarman sa Northern Samar matapos maayos ang mga linya kasunod ng pananalasa ng bagyong Nona.
Sa isang advisory, sinabi ng National Grid Corporation of the Philippines o NGCP na nagawa na ang transmission line sa Palanas Cara-Catarman at Catarman-Bobon sections.
Dumadaloy na rin umano ang kuryente sa Calbayog substation patungong Bobon substation.
Patuloy pa ring inaayos ng mga NGCP personnel ang iba pang linya na nasira ng bagyo.
By Jelbert Perdez
