Hindi mapapanood ng mga movie-goers sa Kuwait ang pelikula na adaptasyon ng whodunnit na “death on the nile” ni Agatha Christie.
Ang naturang pelikula ay pinagbidahan ng mga hollywood stars, kabilang ang israeli actress na si Gal Gadot.
Ipinagbawal ng Kuwait ang pelikula dahil sa panawagan ng publiko sa social media, na dapat ay ipalabas ngayong buwan mula sa Estados Unidos.
Ayon kay Anouar Mourad ng Information Ministry, ang desisyon ay ginawa kasunod ng hiling ng taong bayan, kaugnay parin sa papuri ni Gadot sa hukbo ng Israel at ang kanyang pagpuna sa grupong terorista ng Hamas sa digmaan sa Gaza noong 2014. –Sa panulat ni Mara Valle
