Muling dedepensahan ni IBF world superflyweight champion Jerwin Ancajas ang kaniyang titulo sa ika-siyam na pagkakataon.
Ito’y makaraang maikasa na ang laban ni Ancajas sa Mexican boxer Jonathan Javier Rodriguez na gagawin sa Uncasville, Connecticut sa ika-10 ng Abril.
2019 nang huling sumabak sa laban si Ancajas matapos depensahan nito ang kaniyang korona laban kay Miguel Gonzales na napataob naman sa ika-anim na round ng laban.
Gayunman, nilinaw ng trainer at manager ni Ancajas na si Joven Jimenez na isasagawa ang laban kahit walang manonood na fans dulot pa rin ng COVID-19 pandemic.