Naiuwi na sa kani-kanilang lugar ang mga labi ng 6 na sundalong nasawi sa engkwentro sa Borongan City sa Eastern Samar nuong nakaraang linggo.
Tatlong araw na ibinurol ang mga labi ng sundalo sa Camp Vicente Lukban at nagsagawa ng isang send-off ceremony bago dinala sa kanilang mga bayan.
Tiniyak naman ng 8th Infantry Division ng Philippine Army na mananatiling mahigpit ang seguridad na hanggang sa mailibing ang mga sundalo.
Kasama sa mga namatay sa nasabing engkuwentro sina Sergeant Rex Jadulco ng Motiong, Samar; Corporal Limar Banug ng Borongan City; Corporal Ronaldo Go at Private First Class Junmar Buranday na kapwa taga-Burauen, Leyte; Private First Class Kent Loyd Agullo ng Arteche Eastern Samar at Private Charlie del Rosario ng Kalinga, Apayao.
