Ipinagmalaki ni PNP Chief, Dir. Gen. Oscar Albayalde na labing-pito (17) nilang tauhan ang nakapasa sa katatapos lamang na bar examination.
Ayon kay Albayalde, tatlo sa mga pumasa ay opisyal, Labingtatlo (13) ang non- commissioned officer at isa ang sibilyang empelyado o non-uniformed personnel.
Sa flag raising ceremony sa Camp Crame kahapon ay isa-isang binanggit ang pangalan ng mga ito para bigyang pagkilala.
Kailangan anya ng PNP ng mga magagaling na abogado lalo na para sa kanilang kampanya kontra droga kaya naman inaasahan niyang mananatili sa PNP ang Labing-pitong bagong abogadong sa kabila ng mas mataas na sahod sa pribadong sektor.
