Handa ang Laguna Lake Development Authority (LLDA) na magbigay ayuda sa Manila Water para maibsan ang nararanasang krisis sa tubig.
Ayon kay LLDA Department Manager Adelina Santos – Borja, malaki ang potensiyal ng lawa ng Laguna para maging domestic water supply.
Ngunit, sinabi nito na hindi agad na magagamit ang raw water bagkus ay kailangan pa itong idaan sa treatment.
Maliban naman sa Laguna de Bay, maaari rin aniyang sagot sa krisis sa tubig ang ilang kalapit na lawa tulad ng Pagsanjan at Majayjay.
—-
