Sisikapin ng pamahalaan na masampahan ng kaso lahat ng mga may pananagutan sa malagim na sunog sa isang pabrika ng tsinelas sa Valenzuela City kung saan mahigit 70 katao ang nasawi.
Ayon kay Pangulong Noynoy Aquino, mula 1996 hanggang 2014 ay isang beses lamang na-isyuhan ng Fire Safety Inspection Certificate ang Kentex Corporation at ito’y noong 2012.
Umaasa ang Pangulong Aquino na hindi na mauulit ang naturang trahedya.
Nagpahiwatig din ang Punong Ehekutibo na maaaring may pananagutan o pagkukulang ang lokal na pamahalaan sa nasabing sunog.
By Jelbert Perdez | Aileen Taliping (Patrol 23)
