Inihayag ni Pasig Mayor Vico Sotto na lahat ng senior citizens sa lungsod ay nakatanggap na ng unang dose ng COVID-19 vaccine.
Gayunman, nilinaw ni Sotto na hindi ito nangangahulugan na 100% ng mga senior sa lungsod ay nabakunahan na.
Ayon sa alkalde, naabot na ng lungsod ang target nitong bilang ng mga nabakunahang senior citizen.
Sa 48,900 senior citizens sa PASIG CITY, 36,027 ang fully vaccinated na laban sa COVID-19, habang 45,000 iba pa kabilang ang mga hindi residente na nabakunahan sa lungsod, ay nakatanggap na ng unang dose.
Paliwanag ni Sotto, maaaring ang ilan sa mga senior citizen sa lungsod ay hindi pa naka-register sa COVID-19 vaccination masterlist ng Pasig City. — sa panulat ni Hya Ludivico
