Maliban sa pagiging frontliner, mag do-donate din ng ilang bahagi ng kanilang suweldo ang lahat ng sundalo ng Armed Forces of the Philippines.
Ayon kay Cabinet Secretary Karlo Nograles, kakaltasan ng ilang porsyento ng kanilang sweldo para sa buwan ng Mayo ang mga sundalo mula sa pinakamataas hanggang pinakamababang ranggo.
Kusang loob anya ito ng mga sundalo upang makatulong sa pangangalap ng pondo para tugunan ang pangangailangan sa paglaban sa coronavirus disease 2019 (COVID-19).
Ang pinakamataas aniya na si AFP Chief of Staff Felimon Santos ay kakaltasan ng mahigit sa P10,000 samantalang ang pinakamababa ay P100.
