Arestado ang isang motorista matapos mahulihan ng ilegal na armas sa Tanauan City, Batangas.
Ayon sa Batangas City Police, hinarang ng mga tauhan nito si Jerick Buenaventura, 26 anyos, sa routine checkpoint sa Mabini Avenue para tignan ang kanyang lisensya at kopya ng vehicle registration ngunit tumanggi itong ipakita.
Nang buksan ni Buenaventura ang kanyang sling bag, doon na napansin ng pulis ang kalibre 22 na baril at anim na bala.
Inihahanda naman ng otoridad ang kasong Illegal Possession of Firearms and Ammunition o Republic Act No. 10591 laban sa suspek.
