Arestado ang isang lalaki dahil sa bomb joke sa Cebu South Bus Terminal sa Natalio Bacalso Avenue sa Cebu City.
Nakapiit na sa Carbon Police Station ang suspek na si Joel Guillera ng Dipolog City.
Ayon sa ulat, papasok na sa nabanggit na terminal si Guillera nang magbiro ito na mayroon siyang dala na bomba sa loob ng kanyang backpack.
Nahaharap ang suspek sa kasong paglabag sa Presidential Decree No. 1727 o Anti-Bomb Joke Law.
Matatandaang isang babae rin ang na-aresto sa isang mall sa Cebu dahil sa kaparehong kaso noong nakaraang taon.
By: Meann Tanbio / Race Perez
