Dinakip ng mga awtoridad ang isang lalaki dahil sa umano’y nag-iingat ng hindi lisensyadong mga baril sa Tabuk City, Kalinga.
Kinilala ni PNP Chief Gen. Debold Sinas ang suspek na si Aggawoc Suyam na naaresto sa kanilang bahay sa Isla Basao, Barangay San Juan.
Si Suyam ay may nakabinbin na warrant of arrest para sa kasong illegal possession of firearms na inisyu ng Kalinga Regional Trial Court Branch 39.
Nasabat ang ilang malalakas na uri ng armas at mga bala mula kay Suyam na ngayo’y natakdang sampahan ng kaukulang kaso.
