Huli sa entrapment operation ang isang lalaki dahil sa pagbabanta umano na ikakalat ang maseselang larawan ng dating nobya, sa Bulacan.
Ayon sa biktima na itinago sa pangalang “Anna,” hindi umano matanggap ng lalaki ang kanilang paghihiwalay kaya gumawa ito ng mga dummy account para i-blackmail ang dating nobya. Doon na raw nagpasya ang biktima na magsumbong sa mga magulang at sa pulis para maaresto ang lalaki.
Base sa nakalap na impormasyon ng mga otoridad, buburahin daw ng suspek at hindi na ikakalat ang mga larawan ng biktima kapag nakipagbalikan ito sa kaniya.
Nahaharap ang suspek sa mga kasong Grave Coercion, paglabag sa Violence Against Women Act, at paglabag sa Anti-Photo at Video Voyeurism Act.—sa panulat ni Mara Valle
