Isang lalaki ang dinukot sa Sta. Rosa City, Laguna.
Kinilala ang biktimang si Rojin Perez na tinangay ng 3 armadong lalaki mula sa kanilang bahay sa Barangay Balibago.
Ayon sa Sta. Rosa City Police, tumawag ang biktima sa kinakasama nito upang sabihing papauwi na siya sa kanilang bahay, noong Martes ng gabi.
Gayunman, nang lumabas ang live-in partner para buksan ang gate, nakita nitong bitbit na ang biktima ng tatlong lalaking armado ng baril.
Nagtago ang babae hanggang sa umalis ang mga suspek dala si Perez.
Aminado naman ang babae na ang dati niyang asawa na isang engineer ang nagbabanta sa kanila at nito lamang Hulyo ay nagpakuha ito ng larawan ni rojin sa pamamagitan ng kanilang anak.
Person of interest na ngayon ang engineer habang patuloy ang imbestigasyon at inaalam ang kinaroroonan ng biktima.
